رباعيات الوقت الضايع
رباعيات الوقت الضايع
يعدلوا خط سيرك
ويبدلوا مصيرك
ما دام جنون حياتك
مرهون بعقل غيرك
*
شربت خمر الدنيا ما استكفيت
فتحت باب للمستحيل وغزيت
واتارينى نمله شايله حبه أمل
ع الرمله بتقاوح .. فى / لو .. و / يا ريت
*
الشمس بتصارع جيوش الغيوم
مصره تعلن عن ميلاد اليوم
وانت بإبرة شك ومصديه
عمال بتنكش جبال الهموم
*
البحر عريان صريح المزايا
بيعكس سذاجتى مرايه
حياتى بنيتها على رمال وميه
فكانت فى موج البدايه النهايه
*
رمله وسحابه .. ومى
وبواقى شمس .. وضى
مولفين على بعض منذ الأزل
ولا حسوا بيه وأنا الوحيد الحى
عرب الهرب أينعت فيهم رؤوس للسيف
وكل جبار عتل ف بيته ح يصير ضيف
يا مقسم الرزق بين التربى والمقتول
سرقنا وهم الشتا ما لحقنا حلم الصيف
*
الجثه على المشرحه
والكل مدعوين
فى آخر المدبحه
جمعاً وحرماً .. آمين
*
إياك تبص فى عينيه
حرمت ابص فى عينيك
ما دمت حقك عليه
ليه حقى ما هوش عليك
*
أنا اللى رص الكراسى
وأنا غزلت المفارش
حد اللسان السياسى
دبحنى ومازلت عايش
*
ماشى فى غاية النظام
كل المعايش تمام
كافة همومى تفايه
ما دمت باكل .. وانام
ما يصح إلا الصحيح
ولا يبقى إلا الأكيد
أكم ح تكنس يا ريح
حكام وشعرا عبيد
*
ماباشوفش وشى ف مرايتى
دشدشت كل المرايا
علشان فى آخر حكايتى
لمحت وشى ف قفايا
انا اللى أحييت مواتهم
وشيلتهم فى الحشا
عجنونى بين دباباتهم
وشوونى مزّه .. وعشا
*
بزق خمر وجمل وملكت ناصيتها
شرا وبيع التجاره بتجرى فى دمك
آه من جراحات تاريخى ف قلبى كابتها
حتى الصلاه والصيام ما رحمنى من همك
*
انا كنت باطح باطه
وما كانش لى ف إحباطه
ليه كدبه غم عليه
وطوانى تحت بطاطه
*
يا دابح صحابك بقسوة حسابك
كإن الشرف كان ميزانك كتابك
يا عارك على ضى شمس الحقيقه
علشان كان عذابك .. لقلة ما نابك
*
ياللى انتى ضلك سفر وهواكى عز رضاه
لوعتى قلبى انكسر بعد الوتر ما غواه
هاجرك وقلبى حجته .. حوجته
لو كان رغيفك خمر .. كان النظر كفاه
*
ريحت خدى على يدى ما عيطتش
وشربت مية ندى نيلك ما روتنيش
انا اللى مفطوم على حزنك ما فرطتش
لأن فرحك بمين دبحك ما ضحكنيش
*
كفاياك يا شعر استأنى
عشمتنى بدنيا جنه
ورميتنى ع الجمر أحبى
ليه صاحبى على قبرى غنى
*
النيل هرب هجر المنبع
استأتذوا فينا التلاميذ
رقصت فى الزفه يا مجدع
كل الشجر طالع جميز
يعدلوا خط سيرك
ويبدلوا مصيرك
ما دام جنون حياتك
مرهون بعقل غيرك
*
شربت خمر الدنيا ما استكفيت
فتحت باب للمستحيل وغزيت
واتارينى نمله شايله حبه أمل
ع الرمله بتقاوح .. فى / لو .. و / يا ريت
*
الشمس بتصارع جيوش الغيوم
مصره تعلن عن ميلاد اليوم
وانت بإبرة شك ومصديه
عمال بتنكش جبال الهموم
*
البحر عريان صريح المزايا
بيعكس سذاجتى مرايه
حياتى بنيتها على رمال وميه
فكانت فى موج البدايه النهايه
*
رمله وسحابه .. ومى
وبواقى شمس .. وضى
مولفين على بعض منذ الأزل
ولا حسوا بيه وأنا الوحيد الحى
عرب الهرب أينعت فيهم رؤوس للسيف
وكل جبار عتل ف بيته ح يصير ضيف
يا مقسم الرزق بين التربى والمقتول
سرقنا وهم الشتا ما لحقنا حلم الصيف
*
الجثه على المشرحه
والكل مدعوين
فى آخر المدبحه
جمعاً وحرماً .. آمين
*
إياك تبص فى عينيه
حرمت ابص فى عينيك
ما دمت حقك عليه
ليه حقى ما هوش عليك
*
أنا اللى رص الكراسى
وأنا غزلت المفارش
حد اللسان السياسى
دبحنى ومازلت عايش
*
ماشى فى غاية النظام
كل المعايش تمام
كافة همومى تفايه
ما دمت باكل .. وانام
ما يصح إلا الصحيح
ولا يبقى إلا الأكيد
أكم ح تكنس يا ريح
حكام وشعرا عبيد
*
ماباشوفش وشى ف مرايتى
دشدشت كل المرايا
علشان فى آخر حكايتى
لمحت وشى ف قفايا
انا اللى أحييت مواتهم
وشيلتهم فى الحشا
عجنونى بين دباباتهم
وشوونى مزّه .. وعشا
*
بزق خمر وجمل وملكت ناصيتها
شرا وبيع التجاره بتجرى فى دمك
آه من جراحات تاريخى ف قلبى كابتها
حتى الصلاه والصيام ما رحمنى من همك
*
انا كنت باطح باطه
وما كانش لى ف إحباطه
ليه كدبه غم عليه
وطوانى تحت بطاطه
*
يا دابح صحابك بقسوة حسابك
كإن الشرف كان ميزانك كتابك
يا عارك على ضى شمس الحقيقه
علشان كان عذابك .. لقلة ما نابك
*
ياللى انتى ضلك سفر وهواكى عز رضاه
لوعتى قلبى انكسر بعد الوتر ما غواه
هاجرك وقلبى حجته .. حوجته
لو كان رغيفك خمر .. كان النظر كفاه
*
ريحت خدى على يدى ما عيطتش
وشربت مية ندى نيلك ما روتنيش
انا اللى مفطوم على حزنك ما فرطتش
لأن فرحك بمين دبحك ما ضحكنيش
*
كفاياك يا شعر استأنى
عشمتنى بدنيا جنه
ورميتنى ع الجمر أحبى
ليه صاحبى على قبرى غنى
*
النيل هرب هجر المنبع
استأتذوا فينا التلاميذ
رقصت فى الزفه يا مجدع
كل الشجر طالع جميز
Subscribe to:
Posts (Atom)
